شوق العيون

من طرف **bamppony** الإثنين سبتمبر 03, 2007 5:07 pm

شــوق العيــون وقت مايسوق عليك خطوات

يداعب في الخيال محيك وأعاين فيكي كم مرات

بضمك في القلب افراح واسعد في العمرلحظات

مشاوير الفرح عندي تطول لمن تشوف عينيك

مسافات الحزن تقصر وقت خطواتي تمشي عليك

اجيك شايل حنان ريدي .. اجيك ياحلوه مشتاق ليك

اعاين في سراب طيفك.. ترقرق في العيون دمعات

على وعد العمر برجاك .. على بعد المسافة اقيف

اغازل في حلم لقياك .. على شاطئ المحبه خريـف

يظلل غيمك إنتي هواي .. من وهج الهجير والصيف

واسرح في جمال حسنك واكتب شعري فيك غنوات

من طرف **wadanwar** الثلاثاء سبتمبر 04, 2007 2:48 pm

ياعمر خليني انسي والبينسي الريده سيبو

خلي عائش في خيالو بكره ما الايام تجيبو

لا العذر يشفع اليه ولا الندم في يوم بفيدو

ياعمر الفات ودع ماضي ابداً ما بعيده

الزمان ادي الفرح للقليب المابريدو

الزمان الداير يصيدنا الزمان باكر بصيدو

لما قسم للشقاوه اداها للناس البريدو

ياما نشقي عشان عيونو الفرح كان يوم بايدو

ياعيون حزنانه صبرك مافي زول فايت نصيبو

ياعمر خليها سيره دا الزمان حدد مصيرو

الرائعه بامبوني لك الود والتيحه والله علي اللابداع
محمود او الحوت كما نسميه نحن عشاقه
صاحب الصوت الرخيم الذي يسري بدواخلنا
ونعشقه كل ثانيه ونعشق فنه فله التحيه والتجلي
وادمه الله بالصحه والعافيه
وتقبلي مروري المتواضع

من طرف **bamppony** الأربعاء سبتمبر 05, 2007 12:48 pm

محمود......الله يخليهوا لينا
وانت ياغالي ليك كثير الشكر

شغل القليب و الشوق علي زولا بحن

طبع الفراق الجوة احساسي الدفين

ذاد الالم سبب تافراق البينا كان غدر الزمن

********************

غدر الزمن مسح الاحاسيس النبيلة وبدلا

مكتوبة بي احرف وفا ما اجملا 000 عشرة سنين

اذال حروف بعد الشقي مسح الليالي وحولا 000 غدر الزمن

******************

سلواي كطائف شاعر اتغرب وزاد وبقي الصبر 000 زاد الشجون

كل الحصل بيناتنا ما نفز القدر 000 زاد الشجون

ويرجع يعاودني الحنين وخاطري انكسر يوم انجبر

غدر الزمن

الله يخليك يارائعة علي محمود الجميل ده

وشكرا

من طرف **bamppony** السبت سبتمبر 08, 2007 7:44 am

شكرا ليك يامدهش
واتمنى انو الزمن مايغدر بيك

شوق العيون

شوق العيون

رد: شوق العيون

رد: شوق العيون

رد: شوق العيون

رد: شوق العيون