غدار دموعك

من طرف **bamppony** الجمعة سبتمبر 14, 2007 6:08 pm

غدار دموعك مابتفيد من زول حواسه اتحجرت
جرب معاك كل السبل و يديهو ليك ما قصرت
حطمت في قلبو الامل و كل الامانى الخدرت
وكلماتو ليك ضاعت عبث لا قدمت لا اخرت

ماكنا وقت الليل يضيع
وتشرق نجومو وتنكتم..
ويطل شعاع يكشف قناع
والظلمة ترحل و تنهزم..
وجفونا من طول السهر
تلبس وشاح حرقة والم..
نستبشر اليوم الجديد
ونقول تعود انت العشم..

كيف الحنين و كتين يموت والعضه تطعن في الحلق
كيف الرجوع لي زول قنع شايل رفان قلبو الحرق
سيب الندم و انسي الدموع مافات زمان مابتنلحق

غدار دموعك مابتفيد
في ظلمة مابتعرف شعاع..
اشباحا ذى موج العدم
كسر المقاديف و الشراع..
ونزلنا في طوف الفشل
وابحرنا في بحر الضياع..
ونسينا زكراك الزمان
عشناها في زيف الخداع..

مصطفي سيد احمد